Зборнік змяшчае найбольш значныя і важныя дакументы і матэрыялы пра жыццё, працоўную дзейнасць і шматгранную творчасць выдатнага беларускага пісьменніка мінулага В. Дуніна-Марцінкевіча. У кнігу ўключаны матэрыялы яго радаводнай справы, тайнага паліцэйскага нагляду, розныя канцылярскія дакументы, што датычаць яго службовай дзейнасці, узаемаадносін з уладамі, гісторыі маёнтка Люцынка і інш., а таксама каштоўныя артыкулы У. Сыракомлі пра творчасць пісьменніка. Тэксты дакументаў і матэрыялаў падрыхтаваны па першакрыніцах, суправаджаюцца грунтоўным навуковым каментарам, дапоўнены хронікай жыцця і творчасці В. Дуніна-Марцінкевіча і разгорнутым імянным паказальнікам. Разам з нядаўна выдадзеным двухтомным зборам твораў пісьменніка гэты змястоўны, падрыхтаваны на высокім навуковым узроўні зборнік будзе спрыяць больш глыбокаму вывучэнню творчай спадчыны, складанага жыццёвага лёсу, эпохі пачынальніка новай беларускай літаратуры. Адрасуецца навукоўцам, выкладчыкам ВНУ, настаўнікам, студэнтам, усім ...